أحمد فلوكس مهاجمًا إلهام شاهين: بطلي كلام عن البوس.. الشيطان نفسه بيستغفر ربنا

هاجم الفنان أحمد فلوكس، الفنانة إلهام شاهين، بسبب تصريحاتها الأخيرة المثيرة للجدل حول القبلات في الأفلام، التي انتقدت خلالها من يرى أنها شيء منافي للأخلاق، قائلة: «المجتمع كان زمان مختلف ويتقبل القبلات في الأفلام، والمجتمع أصبح غريبًا على حد تعبيرها».

ورد عليها «فلوكس» عبر حسابه الخاص بموقع التواصل الاجتماعي «فيسبوك» قائلا:

«بعيدًا عن معزتك ممكن أستأذنك ماتتكلميش تاني في الكلام ده، البوسة بتعتبر حاليا منافيه للآداب، أومال امتى يا فندم نعتبر الشئ منافي للآداب، لما نلاقي العيل نازل وبشهاداته كمان هنا يبقي سفالة..

الشاشة دي بتربي أجيال وبتشكل وجدان، مش بتربي وحوش وبتعمل أوضاع، على كده إحنا نعتبر الأفلام السكس أفلام تثقيفية تعليمية إرشادية الغرض منها التعليم والتمرين، سامحيني أنا بحبك بس مابقتش قادر أستحمل..

يا جماعة الشيطان نفسه مش مصدق اللي إحنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والزكاة بقت نقطة والحج بقى تشكيل.. آسف جدا ومش عاوز أسمع كلمة حرية الفن».