زوج علا غانم لـ«العاصمة»: «أمها غير سوية»

كشف رجل الأعمال عبد العزيز حسن، زوج الفنانة علا غانم، عن سبب المشاكل التي طرأت على حياتهما في الأيام الأخيرة، موجها رسالة خاصة لها.

وقال زوج علا غانم، في تصريح لكاميرا "العاصمة": "لم أشعر بأي شئ، لغاية ما نزلت مصر، وعلا ساعات بتزعل مني، وهي بتكون زعلانة على طول، أمها بتضغط عليها جامد جدا جدا، عايز تهد علا وتدمرها، فهل يا ترى ده بسبب الغيرة منها، ولا علشان تستحوذ هلى كل حاجة بتمتلكها في مصر، فلما علا تأخد الفيلا دي، وهى أمها اللي عايشة فيها خلاص بقت بتاعت أمها، وهي حد غير سوي، وربنا هينتقم منها بسبب كل حاجة بتعملها، لأن ربنا بينتقم من كل حد بيعمل حاجة غلط".

وعن الخلاف عن ملكية الفيلا، قال: "هي طلبت مني تخلي الأرض باسمها، وقولتلها مفيش مشكلة، بس اعمليلي عقد يضمنلي يبقى ليا كيان، لأن مالناش حاجة احنا الاتنين هنا في مصر، وعملتلي عقد إيجار مفتوح سنة 2017"، مضيفا : "منحتها الأمان بسبب حبي الكبير لها".

وتابع: "ما زلت بحبها لكن مش زي الأول والحب ابتدى يقل لما عملت فيا كده، وأنا مش صغير لكن ربنا كاتب ليا كده".

وعن الرسالة التي يمكن أن يوجهها لها، وقال: "بقولها تخلي بالها من نفسها، لأن العدواة مش كويسة، وأمها حطتها في مشاكل كتيرة مع ناس كتيرة، وحسبي الله ونعم الوكيل في أي حد خرب بيتنا".