جوري بكر عن سبب غلقها للتعليقات على «إنستجرام»: «مش كل الناس محترمين»
كتب: نسرين إبراهيم
كشفت الفنانة جوري بكر، عن سبب غلقها لخاصية التعليقات عبر حسابها الشخصي بموقع الصور الشهير "إنستجرام"، بعدما علق البعض على تصرفها هذا.
وكتبت جوري بكر عبر خاصية ستوري: "أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين، لأن بجد الموضوع مخيف مش كل الناس اللي حوالينا محترمين".
وأضافت: "مش كل الناس نضيفة وتعليقاتهم محترمة في مجموعة كده مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متابعاني.
تابعت: "غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام".
واختتمت: "الشحاتة بقي اللي وصلت على الإنستجرام هل ده بجد.. اللي عايز مساعدة 3000 جنيه وهو مصور نفسه ماسك تليفون بـ 25 ألف جنيه أو أكتر واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني".
وكانت آخر أعمال الفنانة جوري بكر، هو مسلسل «جعفر العمدة» بطولة النجم محمد رمضان، وتم عرضه في الموسم الرمضاني 2023، وضم العمل مجموعة من النجوم أبرزهم: هالة صدقي، زينة، مي كساب، منة فضالي، إيمان العاصي، أحمد داش، أحمد عبد الله، منذر ريحانة، طارق النهري، عصام السقا، دعاء حكم، سلوى عثمان، مجدي بدر، وغيرهم من الفنانين، وذلك بجانب ظهور خاص للفنان بيومي فؤاد الذي ظهر بشخصية والد الفنانة زينة، والمسلسل من تأليف وإخراج محمد سامي.
