«أخدت براءة من أول دقيقة».. نيفين مندور تكشف لأول مرة تفاصيل القبض عليها بتهمة تعاطي المخدرات

كشفت الفنانة نيفين مندور، لأول مرة عن تفاصيل واقعة القبض عليها في شهر مارس 2013 بتهمة تعاطي المخدرات.

وأوضحت "مندور" قائلة: "باختصار شديد الموضوع ده بالنسبة لي بيضايقني.. هو الموضوع كان خاص بوالدي مش بيا خالص.. بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان".

وتابعت: "ربنا كبير، والحمد لله أخدت براءة من أول دقيقة ومحدش قدر يشكك فيها".

واختتمت "مندور" حديثها قائلة: "وفكرت كتير أوضح للناس لكن لقيت كل ردود الفعل معايا، 90% من الناس كانوا شايفني بصورتي الحقيقية، مش هصلح صورتي لشوية ناس مريضة، اللي عايز يصدقني يصدق واللي مش عايز عنه ما صدق، أنا اللي بيني وبين ربنا وأهلي هو اللي يفرق"، وجاء ذلك خلال استضافتها مع الإعلامية ياسمين عز في برنامج "كلام الناس" عبر قناة "MBC مصر".

نيفين مندور اشتُهرت بدور "فيحاء" في فيلم "اللي بالي بالك" من تأليف نادر صلاح الدين وإخراج وائل إحسان، وبطولة النجوم: محمد سعد وحسن حسني وعبلة كامل وحسن عبد الفتاح وغيرهم، إنتاج عام 2003.