شوبير يحذر كهربا: لا تأمن جماهير الأهلي
كتب: محمود جودة
حذر الإعلامي أحمد شوبير لاعب الأهلي محمود عبد المنعم كهربا من غضب جماهير الأهلي، بعد أزمته مع مدربه مارسيل كولر عقب مباراة الأهلي وفاركو التي فاز فيها الفريق الأحمر بهدفين لهدف.
أزمة كهربا وكولر
وغاب كهربا عن المشاركة في المباراة، وكان على دكة بدلاء الفريق، وشارك أنتوني موديست بديلا خلال اللقاء مما أثار غضب كهربا.
وطالب مدرب الفريق مارسيل كولر كهربا عقب اللقاء بالمشاركة مع اللاعبين المستبعدين من اللقاء إلا أن كهربا رفض بداعي أنه مصاب.
وعلق الإعلامي أحمد شوبير على الواقعة مؤكدا وجود أزمة بين كهربا وكولر، وقال في تصريحاته: "يعني لو كان كهربا نزل لعب، مش كان هيجري ويلعب ولا كان هيقول بردو رجلي والكلام ده؟ طبعا في لائحة هيتم تطبيقها على كهربا".
وأضاف: "عاوز أقول حاجه لكهربا، كلنا عارفين أن موديست خلاص ماشي وسيتم عمل حفل وداع له في الأيام القليلة المقبلة، ومافيش غيرك انت ووسام أبو علي في الهجوم، وساعات بيتم الاعتماد على طاهر محمد طاهر، وده هيتم كتير الايام اللي جايه أو بيرسي تاو".
واستكمل: "بتعمل مشكلة ليه يا كهربا؟، ده وسام أبو علي لما بيلعب بيتصاب كتير، وانت اللي عندك الفرصة، الناس هتفضل تدافع عنك مرة أتنين والأهلاوية عاملين معاك الواجب وبزيادة لكن وبعدين؟ بس لو انت موقفتش جنب نفسك يبقى كل سنة وانت طيب".
واختتم شوبير تصريحاته بقوله: "جمهور الأهلي واقف جنب كهربا وإمام ومبيسبش حد، بس أنا بقول حاجه لا تأمن جمهور الأهلي، لأن لو انت ممشتش على النظام اللي النادي متبعة مش هيسيبك، لأنه بيحب النادي أكثر من أي حاجه، فكر كويس وأعرف أن أخذ الحق حرفة".
