«أصبت بشلل كامل» .. ليلى غفران تكشف سر غيابها عن الساحة الفنية

كشفت الفنانة ليلي غفران لأول مرة عن سبب غيابها عن الساحة الفنية طوال الفترة الماضية، موضحة أنها أصيبت بجلطة في المخ تسببت لها في شلل كامل.

وأوضحت "غفران" بقولها: "أنا نمت زعلانة ومن كتر الزعل صحيت جالي جلطة ودخلت في غيبوبة، وحسيت أن ربنا بيقولي قومي كفاية وكملي مسيرتك، والجلطة جعلتني طفلة".

وتابعت: "الجلطة في المخ جات من أكتر من حاجة صعبة في حياتي، وكانت عبارة عن تراكمات من جوايا، وأنا من نوع الناس اللي مبعرفش أغضب وأطلع اللي جوايا، ودايما أكتم وأسامح أي حد بيسيء ليا، فحصل تراكمات لدرجة إني مرة واحدة حصلي غيبوبة فجأة، ودخلت المستشفى واتحجزت؛ لأني مبقتش أقوم ولا أتحرك".

واختتمت "غفران" بقولها: "كنت بتعالج من الجلطة وبقيت حاسة كأني طفلة في الكلام وبتهيألي حاجات كتير من كمية الأدوية اللي كنت باخدها، وحسيت أني رجعت طفلة وأثرت عليا جامد أوي"، وجاء ذلك خلال استضافتها مع الإعلامية ياسمين عز في برنامج "كلام الناس في رمضان" المذاع على قناة "أم بي سي مصر".