ياسمين الخطيب عن انفصال شاكيرا: واضح إن عيني «مدورة» و«مقورة»
كتب: محمود جودة
علقت الإعلامية ياسمين الخطيب على أنباء انفصال النجمة العالمية شاكيرا عن لاعب برشلونة جيرار بيكيه، بعد خيانته لها مع امرأة أخرى، وفق ما ذكرته الصحف الإسبانية، بإعادة منشور سابق لها عن شاكيرا وقالت أنها "حسدتها".
ونشرت ياسمين الخطيب: "عندك مثلاً شاكيرا.. ربنا حباها بجمال الشكل والصوت، وكمان أكرمها بالذكاء لتوظيف موهبتها صح، ده غير الرقص والخفة الرباني، والنجومية إللي بلغت عنان السماء.. والفلوس والقصور والعربيات".
وأَضاف: "لأ وإيه.. متجوزة بيكيه، نجم وزي القمر وأصغر منها بعشر سنين وملياردير.. ثم أفاض الكريم عليها بالنعم، فرزقها بطفلين.. والست عايشة.. عادي".
كما كتبت: "وأنت يا جربا*ن يابو مخ فرخة فاكر الناس حاسدينك على سواد عيونك! وانتي يا أم مروان بتحطي ستيكرز على صور ابنك الأ*هبل أبو بربور.. قال خايفة ليتحسد!".
واختتمت منشورها بقولها: "كتبت البوست ده من سنة، والنهارده سمعت إن شاكيرا اتطلقت، عشان جوزها بيخونها مع أم صاحبه إللي عمرها ٥٠ سنة!.. واضح إن أنا إللي عيني مدورة ومقورة!".
