قاتل طالبة الشرقية: «أنا كنت بصرف عليها وعملتلها فيلم باسمها»

نشر إسلام محمد، قاتل طالبة الشرقية بـ15 طعنة في احدي مدخل عقار بالقرب من محكمة جنايات الزقازيق، منشور في أحد الجروبات على موقع "فيس بوك"، تفاصيل علاقته بالمجني عليها منذ سنوات مضت، وجاء نص البوست كالتالي:-

«لو واحدة ارتبطت بواحد في فترة الأبحاث  في الجامعة لمدة ٣ سنين وفضلت معاه واستنزفت منه فلوس كثير كان متحمل كامل مصاريفها علي مدار ال ٣ سنين الجامعة خاصة ( أكل وشرب - هدايا من لازوردي وڤيزارو - مصاريف ملازم ومذكرات وكتب - مصاريف المشاريع والمواصلات - وتوصيل أوبر  )  واستنزاف طاقة رهيب  وكان بيعملها  كل المشاريع والاسايمنتات المطلوبة في الجامعة وكان بيعملها العملي بتاع كل مادة لحد ما عاد السنة في الجامعة بسببها عشان كان مهتم بيها وبيفضل يخلصلها طلبات الجامعة بتاعتها هي الاول وبيسيب نفسه في الآخر ومبيلحقش يعمل لنفسه حاجة ، والشخص ده عمل فيلم بإسمها عشان يفرحها ويبسطها ومع ذلك فضلوا مع بعض لحد ما البنت دي اتخرجت وخلصت جامعة وهو لسة فاضله سنه عشان عاد سنة وفي الاخر تقوله مش بحبك ومش عايزه اكمل معاك والحب مش إجباري وتعمله بلوك من كل وسائل التواصل ، حتى والدها عمله بلوك وميعرفش عنها حاجة بقاله شهرين، مفيش حل قانوني للتعب النفسي الي الشخص ده فيه ؟ كوابيس وبكاء وضغط نفسي شديد ومبيعرفش ينام ولا ياكل وحالته الصحية متدمرة جامد ومعاه كل الاسكرينات والصور وريكوردات صوتيه  تثبت كل كلمه من كلامه ، هل مفيش اي حل قانوني نهائي ؟؟؟؟".

أمر المستشار النائب العام بتشكيل فريق للتحقيق العاجل في واقعة قتل المجني عليها سلمى الطالبة بأكاديمية الشروق بالقرب من محكمة الزقازيق، حيث اتخذ فريق التحقيق إجراءاته، وأُلقِي القبض على المتهم وجارٍ استجوابه.

وكانت النيابة العامة قد تلقت اليوم الثلاثاء الموافق التاسع من شهر أغسطس الجاري إخطارًا من الشرطة بارتكاب المتهم إسلام محمد جريمة قتل المجني عليها سلمى عمدًا، حيث طعنها عدة طعنات بسكين كان بحوزته، بالقرب من محكمة الزقازيق، أثناء دخولها مدخل عقار محل عمل إحدى صديقاتها، وأنه قد أُلقي القبض على المتهم حال دخوله العقار محل الواقعة.

وعلى ذلك انتقلت النيابة العامة إلى مسرح الجريمة وبرفقتها الطبيب الشرعي وخبراء الإدارة العامة لتحقيق الأدلة الجنائية؛ لمعاينته، ورفع ما به من آثار، ومناظرة جثمان المجني عليها، وتحفظت النيابة العامة على أجهزة تسجيل آلات المراقبة بمحيط المكان، وتحفظت أيضًا على السلاح المستخدم في الجريمة، وهاتفي المجني عليها والمتهم، وجارٍ عرضه على النيابة العامة لاستجوابه.

وانتدبت النيابة العامة الطبيبَ الشرعيَّ لتوقيع الصفة التشريحية على جثمان المجني عليها لبيان ما به من إصابات، وتحديد سبب الوفاة وكيفية حدوثها، وكذا فحص السكين المستخدم في الواقعة، وما علق به من آثار، كما أمرت بفحص كافة الآثار المادية المرفوعة بمسرح الحادث، وحددت عددًا من الشهود الذين رأوا الواقعة خلال ارتكابها لسماع شهادتهم، وجارٍ استكمال التحقيقات.