لهذا السبب.. محمد رمضان يفتح النار على محافظ سابق: «ربنا يقدرني وأدخل جوه»
كتب: نسرين إبراهيم
شن الفنان محمد رمضان هجوما عنيفا على محافظ سابق، ووجه له اتهامات مباشرة بدعمه لحملة «إسكندرية لا ترحب بيك»، والتي تعرض لها على مدار الأيام الماضية، وإلتزامه الصمت.
وعلق رمضان لأول مرة على الأمر من خلال مقطع فيديو عبر مواقع التواصل الاجتماعي، تحت عنوان «حق الرد على الحملة الممنهجة ضدي، في طريقي لبلد الـ٦ مليون إسكندراني.. ثقة في الله محبة».
وقال رمضان من خلال الفيديو: «مساء الخير عليكم جميعا، السيد محافظ الشرقية السابق بيدعم حملة اسكندرية لا ترحب بيك يا محمد رمضان، والجرايد الرسمية المصرية بتدعم حملة اسكندرية لا ترحب بيك يا محمد رمضان، والشركة المنظمة للحفلة بايعة 70% من التذاكر مع إن الحفلة كمان 17 يوم فلسه بدري».
وأضاف: «لو ياسيادة المحافظ.. أنا اتقالي اسكندرية لا ترحب بيك يا محمد رمضان، هقوم وألبس دلوقتي وأنزل اسكندرية وربنا يقدرني وأدخل جوه كل منطقة في إسكندرية النهاردة أتأكد».
وتابع: «هل سيادتك لما الشعب بيطلب حاجة هتعمل زيي وتنزل الشارع وتسأل الغلابة وتقولهم أنتم فعلا زعلنين من ده ولا لأ.. أنا سمعت إن اسكندرية لا ترحب بيك وحضرتك بتدعم الحملة، أنا نازل اسكندرية دلوقتي على رجلي من غير بني أدم حراسة».
View this post on Instagram
