مرتضى منصور: أنا النهاردة ملاك.. والحساب بعد الانتخابات (فيديو)

تحدث المستشار مرتضى منصور، على ما شهدته انتخابات نادي الزمالك، اليوم السبت، بعد أن أشارت النتائح إلى فوزه على منافسه أحمد سليمان بولاية جديدة لرئاسة النادي.

وقال "مرتضى" في تصريحات عبر قناة "الحدث اليوم": "بحمد ربنا وبشكره، والأسطورة النهاردة هما أعضاء الجمعية العمومية.. وبشكر كل اللي شارك في الانتخابات حتى اللي ما صوتش ليا لأنه لبى دعوتي للانتخابات.. تنتخب مين انت حر، ولكن كونه انه جه ده فوق دماغي".

وأضاف: "الظروف اللي مرت بيها الانتخابات صعبة جدا جدا.. قلة أدب وسفالة وبلطجة واستفزاز.. فقولتلهم يا جماعة أنا النهاردة ملاك طاير في السما.. بس أنا مش هاسمحكم، والحساب بعد الانتخابات لكل عيل قل أدبه هايتحاسب، وما عندكش حصانة أنك مرشح".

وقال مرتضى منصور: "أنا بشكر السيد وزير الرياضة.. رغم اني زعلان منه ولكن مش وقته، ومش وقت العتاب".