«إيدى الشمال مش زى اليمين».. زوجة الفنان حازم إيهاب تكشف عن إصابتها بمرض نادر أثناء الولادة

كشفت منة داغر، زوجة الفنان الشاب حازم إيهاب، عن إصابتها بمرض نادر يدعى "شلل إرب" والذي يتسبب في حالة عصبية بالكتف والذراع تؤدي إلى حالة من الضعف وفقدان القدرات العضلية، وجاء ذلك عبر خاصية "ستورى" على حسابها الشخصى بـ"إنستجرام".

وقالت "داغر": "فى حاجة مستفزانى، فحبيت أشاركها معاكم، فى واحدة بعتالى مسج بتقولى، هاى منة أنا عارفة إن أنتى عندك Erb's palsy، بس كده".

وتابعت: "إيه الـ Erb's palsy ده، أنا عندى مشكلة فى دراعى الشمال، وأنا بتولد الدكتور شدنى وهو بيولد أمى من إيدى الشمال جامد، فحصلى مشكلة فى العصب، فعملتلى مشكلة كبيرة فى إيدى الشمال، فمبقتش زى إيدى اليمين، ولا في الحركة ولا في الشكل ولا في أي حاجة".

واستكملت: "وعلى فكرة في ناس كتير جدا عندها المشكلة دى، يمكن هي بس بتختلف من حد، وبتختلف خطورتها، في ناس ممكن متبقاش باينة أوى، تبقى حاجة بسيطة يعنى ومش مقصرة على أيديهم أوى أو على حركتهم أوى، وفى ناس تانية بتبقى باينة وواضحة جدا، ومقصرة على شكلهم وعلى شكل إيديهم، وعلى حركتهم وكل حاجة".

واختتمت زوجة الفنان الشاب حازم إيهاب حديثها قائلة: "بس قصدى يعني حسيت فجأة إني كأنى مخبية سر، اللى هو أنا عارفة إن إنتى Erb's palsy، إيه المشكلة، تقبلوا الحاجات اللى عندكم يا جماعة واتبسطوا وعادى، عندى مشكلة فى إيدى الشمال وشكلها مش زى إيدى اليمين عادى، ربنا مدينا حاجات تانية حلوة وجميلة، إيه المشكلة يعنى؟!".

ومن ناحية أخرى، كان الفنان حازم إيهاب، قد رُزق بمولوده الأول "يونس"، في 18 فبراير الماضي، ولكنه ولد بعيب خلقي في القلب وأجرى عملية جراحية في قلبه وهو عمره ساعات، قبل أن يرحل عن عالمنا في 2 مارس 2022.

وكان حازم إيهاب، قد احتفل بعقد قرانه وزفافه على منة داغر بأحد الفنادق بالقاهرة، في 25 ديسمبر 2020.