خالد زكي: بعت عربيتى فى ثورة يناير.. وبركب عربية مراتى عشان مصاريف الأكل

أثارت تصريحات الفنان الكبير خالد زكي حالة من الجدل الواسع على مواقع التواصل الاجتماعى خلال الساعات الماضية، بعدما أكد أنه لا يمتلك رصيد في البنوك حاليا، كما أنه باع سيارته منذ عام 2011 ويستعير سيارة زوجته.

وقال "زكي": "ماليش رصيد في البنوك حاليا، لأني للأسف مشيت بطريقة يمكن ناس كتير كانت بتختلف معايا فيها، كنت ماشي بـ"أصرف ما في الجيب يأتيك ما في الغيب".

وتابع: "كنت بحب أعيش ولادي وأهلي وكل اللي حواليا في سعادة وآخر حاجة بفكر فيها نفسي ومكنش بيفرق معايا نفسي خالص".

واستطرد: "أنا في 2011 أثناء ثورة يناير بعت عربيتي على أمل أن لما تتحسن الدنيا أبقى أجيب عربية تانية، والحمد لله الدنيا اتحسنت كوضع أمني، يعني يكفي الأمن والآمان اللي احنا عايشين فيه حاليا، والإنجازات اللي فوق الخيال اللي كل العالم بيقف يضربلها تعظيم سلام عليها".

واختتم زكي حديثه بقوله: "أنا بركب عربية مراتي عشان مش قادر أجيب عربية تانية حاليا، ومجبتش عربية لأن الفلوس اللي ممكن أدفعها فيها بجيب بيها أكل أو ممكن أجيب حاجات تانية أهم"، وجاء ذلك خلال استضافته مع الإعلامية اللامعة بوسي شلبي في برنامجها  "ليالي TEN" على شاشة قناة TEN .




أقرأ أيضًا: بوسي شلبي: خالد زكي بيقولكم إرحمونا من الإشاعات

وكان قد أعرب الفنان خالد زكي عن استيائه واندهاشه الشديدين من تداول أخبار تفيد بتدهور حالته الصحية بعد إصابته بمرض خطير وتطورها بوفاته خلال الأيام الماضية.

وقال خالد زكي في تصريح خاص لـ"العاصمة": "الحمد لله أنا كويس جدا وبخير تماما ومفيش أي حاجة خالص من الأخبار المتداولة عن صحتي، ودي مجرد شائعة سخيفة وعارية تماما عن الصحة ولا أعرف مصدرها".