تعليقا على ارتفاع سعر الدولار.. عمرو محمود ياسين: «شوفولنا تريند عبيط نهري فيه»

علق الفنان والكاتب عمرو محمود ياسين، على الجدل المثار في الشارع المصري، بعد ارتفاع سعر الدولار في البلاد بشكل غير مسبوق، حيث تخطى سعره 22.50 مقابل الجنيه، وذلك عقب رفع سعر الفائدة بالبنوك.

وكتب ياسين، عبر حسابه الرسمي على «فيس بوك»: «متابعة سعر الدولار النهاردة  شيء مش منطقي،  السعر هيفضل متذبذب عدة أيام قبل أن  يصل ويستقر نسبيا عند رقم معين  يمثل القيمة الحقيقة للعملة المصرية في مواجهة الدولار ومختلف العملات في هذه المرحلة.. شوفو لنا بس يا ولاد أي تريند عبيط  نهري فيه ونقول وجهات نظرنا عنه بقى وكده».

وعاد لإضافة تحديث على منشوره بعد انتقاده، قائلا: «تحديث..  في فهم خاطئ في بعض الكومنتات بعض الناس فاكرة إني بقول إن الدولار سعره هينزل  فكده أنا بطبل.. يا سيد يا محترم أنا بقول إن السعر النهاردة  خادع وإنه هيحتاج كذا يوم قبل ما نفهم سعر الجنيه هيستقر ع إيه، يستقر عند ٢٠ يوصل ٣٠، الله أعلم».

وقام مرة أخرى، بالتحديث موضحا موقفه، بعد اتهام البعض له بأنه يريد من المواطنين عدم الحديث في الأمر، قائلا: «تحديث رقم ٢.. في ناس فاكره إني بطلب من الناس ما تكلمش في الدولار، وتكلم في تريند عبيط.. طبعا أنا مش بقول كده، أنا أخدتها فرصة انتقد التريندات العبيطة اللي الناس بتهتم بيها  وتترك الأمور والتفاصيل الهامة .. فكتبت كلامي تريقه وقلت (تريند عبيط)  بسخر وبحذر من ده! بس، وجاري الاتفاق مع مترجم، لترجمة بوستاتي وتفسيرها تحليليا».