ممدوح موسى يكشف لـ«العاصمة» حقيقة دخوله التمثيل.. وعودته ببرنامج مع حماقي
كتب: نسرين إبراهيم
سرد الإعلامي ممدوح موسى، موقف جمعه بالفنان الراحل أحمد زكي، بسبب عمرو دياب، كما كشف عن حقيقة دخوله مجال التمثيل، وعودته ببرنامج جديد مع الفنان محمد حماقي.
وقال موسى، خلال ندوة فنية بموقع "العاصمة": "كان نفسي أعمل حلقة مع أحمد زكي، وهو كان متحمس وأخرح الحلقة وإحنا قاعدين وكنا هنبدأ بالتنحي بتاع عبد الناصر ونختم بحليم.. ولكن لم يسعفني الحظ بسبب وفاته.. وعندي مواقف كتير معاه، أتذكر أنه اتصل بيا في مرة ١٠ الصبح يوم جمعة، وقالي عايزك دلوقتي تجيلي".
وأضاف: "لما قابلته قالي عايز فيلم حليم يخرجه طارق العريان وهو مشغول حاليا بفيلم مع عمرو دياب، وأنت الوحيد اللى هتقدر تقنع عمرو دياب أنه يسيب طارق.. وكلمت طارق قولتله أحمد زكي عايزك في فيلم، قالي إزاى احنا بنعمل فيلم مع دياب.. قولتله عمرو دياب مش هيعمل الفيلم، وفعلا ساعتها لا عمل فيلم ومسلسل".
وتابع: "اتعرض عليا التمثيل كتير، لكن أنا بحب التخصص، وممكن أمثل، وناس بتقولي لو مثلت هيبقى دمك خفيف".
وكشف ممدوح موسى، عن عودته ببرنامج جديد يتطرق لقصة نجاح النجم محمد حماقي، قائلا: "أنا عامل برنامج لحماقي مصوره في جميع بلدان العالم، وعامل حاجة جديدة ومن إنتاجي الخاص، ومتطور عن البرنامج اللي عملته لعمرو دياب.. واستعرض فيه مشواره منذ بدايته حتى الآن.. صورت كل الناس ولكن للأسف مصورتش مع حماقي".
