أهم تصريحات الرئيس السيسي في يوم المرأة: « مش منحاز ولكن بحاول أظبط الكفة بس»

أصدر الرئيس عبد الفتاح السيسى، الحكومة المصرية بالتوسع في البرامج التدريبية في المجالات التكنولوجية والرقمنة، بهدف زيادة فرص تمثيل المرأة ومشاركتها في فرص العمل ووظائف المستقبل.

وتابع الرئيس قائلًا لابد من التوسع في دعم مشروعات الادخار والإقراض الرقمية في المشروع القومي لتنمية الأسرة المصرية والبرامج التنموية المختلفة من خلال بناء قدرات المرأة لتنفيذ مشروعات صغيرة خضراء وأنشطة مستدامة مدرة للدخل.

إقرأ أيضاً...الرئيس السيسي: «الست إنسانة رقيقة وحساسة جداً»

دعم البيئة التشريعية والمؤسسية للمشروعات

وكلف الرئيس السيسي، الحكومة بدعم البيئة التشريعية والمؤسسية للمشروعات الصغيرة ومتناهية الصغر الخاصة بالمرأة لتسهيل إجراءات اللوائح المصرفية والبنكية، وتحفيز مشروعات المرأة ودخولها ضمن أنشطة المجتمعات الصناعية بهدف تعزيز مساهمة المرأة في توطين الصناعة الحديثة في مصر، ومتابعة مؤشر المساواة في الأجر بين الجنسين، واتخاذ ما يلزم من إجراءات لضمان استدامة التحسن في هذا المؤشر، وحماية المرأة العاملة وضمان حقوقها في مشروع قانون العمل.

الرئيس السيسي يتحدث عن العدالة بين المرأة والرجل

وأشار الرئيس عبد الفتاح السيسي ، إنه لا ينحاز للمرأة المصرية ولكن يسعي إلى ضبط الأمور، متابعا: "في بعض الناس تعتقد أني منحاز.. والله مش منحاز.. انا بحول اضبط الكفة بس.. اسمعوا مش كده في الفيلم التسجيلي.. كانوا بيتكلموا عن الميراث ومحدش عاوز يديهم.. العدالة كده.. حاجات تانية كتير.. النهاردة لما بيحصل خلاف.. من المسئول في حالة الخلاف.. مين اللى بيشيل.. الست.. الست هي اللى بتشيل.. وكل الكلام اللى جه هنا .. وكل الأهل والجيران.. شوفنا دايما الست هي المسئولة.. والراجل بيخرج.. وده مش معناه أني ضد الراجل.. بحاول أكون.. بنحاول نكون كلنا منصفين.. مع دور المرأة في مصر بالذات.

دور المرأة المصرية في حماية مصر

وتابع الرئيس خلال كلمته في احتفالية تكريم المرأة المصرية والأم المثالية 2023: «مش هنسي والمفروض كلنا مش ننسي.. ومش بتكلم عن الست المصرية.. أنا بتكلم أن المرأة المصرية خلال عام 2013.. ومش بس عام 2013.. دا حتى الآن ولها دور كبير في حماية مصر.. وافتكروا.. وأنا والله لما بقول لكم مش بفكر نفسي.. أنا فاكر إن احنا لما كنا في 30 يونيو المرأة المصرية اللى كانت متصدرة الموضوع.. ولما طلبت الناس تنزل يوم 26 للتفويض.. قولت بطلب من الشعب المصري التفويض.. اللى نزل في رمضان.. الأسر كلها.. أتصور أن الست قامت ونزلت وشافت الدنيا كلها.. قالوا إن الموضوع مش حركة للجيش ضد البلد.. البلد رافضة والجيش بيدعم الرفض دا.. والمرأة المصرية نزلت وعملت ده».

وأشار الرئيس أن  الأم المصرية اللى قدمت الشهيد.. آه الأب موجود مفيش كلام.. بس حنية الأم هي اللى سهرت وربت وشالت 9 شهور.. وربت لغاية ما بقي شاب وراجل.. قدمته لمصر.. ما هو بقي أن الأم بعد كل ده تقدم ابنها.. ويستشهد أو يصاب.. ويجيلها خبر استشهاده.. هي اللى قدمت.. وحتى في الأزمات اللى بتمر علينا والأيام صعبة وانا بعترف ده مش علشان اجاملكم.. أو اطيب الخواطر.. احنا واحد.. احنا واحد.. المرأة المصرية اللى شايلة في البيت.. لما نبص للموضوع على بعضه.. لما النبي محمد صلى الله عليه وسلم قال أمك ثم أمك ثم أمك.. والقرآن بيقول «حملته أمه وهنًا على وهن».. الأم بتعمل دور كبير جدًا.. من إنصاف النبي صلى الله عليه وسلم يقولك خالي بالك.. مين يقدر يشيل شيلة 9 شهور ويمشي بيه.. إنها الأم والسيدة».

أقرأ أيضاً ...وزيرة التضامن تعرض جهود الوزارة في «تمكين المرأة»