غادة عبد الرازق: الناس فاكرة أن الست اللي بتقود بيت لازم تبقى شريرة ومعندهاش قلب

كشفت الفنانة غادة عبد الرازق، عن أن أهم ماجذبها لشخصية "عايدة" في مسسل صيد العقارب أنها شخصية جديدة، وأنها تحمل في جنباتها ملامح كثيرة منها.

وقالت غادة عبدالرازق، خلال لقائها مع لميس الحديدي في برنامج "كلمة أخيرة": "شخصية جديدة علي فيها ملامح مني كنت دائماً بحاول   أثبت لاهلي وأبويا إني أقدر أعمل أي حاجة وأن مش معنى أني ست أن الراجل يبقى أحسن مني ولقيت في كتير  جداً من شخصية عايدة ".

 وعن طيبة الشخصية قالت: "الطيبة ملهاش علاقة بالشخصية القوية حسبة الناس في الحتة دي غلط"، لافتة إلى أنه  لايوجد علاقة بين طيبة الشخصية.

وأضافت: " فيه ناس بتخلط كتير في الحتة دي مش معنى أن الشخصية طيبة ولها شخصيتها واحترامها وكيانها وأن يكون لها قرار  وتستطيع أن تقود بيت وعيلة وبنت وأحفاد يفكروا في المقابل أن لازم تبقى الشخصية دي شريرة ومعندهاش قلب ومش بتعرض تعيط وده غلط  وخلط  في الأوراق مع الست".

ورداً على سؤال الحديدي: "شخصية عايدة بدت رومانسية جداً على عكس توقعات الناس في الادوار الخاصة بك وقالوا مش معقول غادة رومانسية كده"، أوضحت: "شفت كلامهم وقالوا مش واخدين عليكي كده والصراحة بضايق من ده لانهم ماينفعش يبقوا شايفني من جانب واحد فقط لاغير وهو أن لازم غادة عبد الرازق تطلع في دور اللي بينتقم وبتشد شعر كل اللي موجودين في المسلسل  وتكسب كل الي حواليها  في المسلسل  من رجالة وستات ".

وتابعت: "أنا مش عايزة الجانب الواحد بس عاوزة الناس تشوف غادة عبد الرازق في شخصيات كتيرة كممثلة أحب أتشاف في أدوار وشخصيات كتيرة  وأنا مش معقول كل ما طلع في دور هيبقى الشخصية القوية اللي بتكسر كل اللي حواليها ".

وأضافت: "بيحبوني في الشخصيات دي؛ لأني على المستوى الحقيقي بتكسر وبرجع أقوم تاني  بس الناس مش بتشوفني كده في حياتي الشخصية وأنا مكسورة  وبرجع أقوم تاني وأنا لا أظهر ده ".

اقرأ أيضا: يحمل 20 أغنيةً متنوعةً.. محمد قماح يستعد لطرح ألبوم غنائي جديد