ريهام حجاج عن «عروس كفر الدوار»: ليه تحولوا فرحتهم لكابوس

علقت النجمة ريهام حجاج، على مقطع الفيديو المثير للجدل والمعروف إعلاميا باسم "عروس كفر الدوار"، لفتاة تدعى "أمينة طارق" ظهرت في الفيديو قبل التوقيع على عقد قرانها وهي تلقي على زوجها شروطها، واستفز المقطع رواد السوشيال ميديا بسبب  طريقتها التي وصفها البعض بكونها "غير لائقة". 

وقالت ريهام حجاج، تعليقا على الجدل المثار في منشور لها عبر صفحتها على "فيسبوك": "هو ليه الناس علي السوشال ميديا بيستبيحوا سيرة الناس و يسعوا لخراب البيوت؟.. عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه أصلا تقول رأيك السلبي اللي ممكن يخرب بيتهم وتنشره علي أنها بتهزئه وتحول فرحتهم لكابوس".

وأضافت: "ممكن يكون في احتمال نص في المية أن مش قصدها أو دي طريقتها في الكلام، وأكيد هو عارف وبيتجوزها وحاببها زي ما هي". 

وتابعت: "تعرف ظروفهم منين؟ مواقفهم؟ عدوا بإيه سوا في الخطوبة، إيه إللي خلاها تقول كدا أصلا، دخليات الناس ماحدش يعرفها، بتشيلوا ذنوب والله، دا اللي ربنا قال عليه في القرآن الكريم، من يفرق بين المرء وزوجه".  

واختتمت: "أتقوا الله، افهموا الفرق بين حرية الرأي و الأذية، افهموا الفرق بين اللي ممكن نتكلم فيه واللي مالوش لازمة التدخل فيه من الأساس، ستحاسبوا أمام الله علي كل دا".