فريدة سيف النصر: حزينة بسبب الهجوم الغير مبرر على الفنانين

أعربت الفنانة فريدة سيف النصر، عن حزنها من الهجوم على الفنانين عبر مواقع التواصل الاجتماعي مؤخرًا.

اقرأ أيضًا..فيلم «الدعوة عامة» يحقق أرباحًا مرتفعة في أول أيام عرضه

وقالت "سيف النصر" عبر صفحتها على "فيس بوك": "أنا زعلانة علينا كلنا أوي.. المصريين أحلي وأطيب وأجدع من كده بكتير.. خفة دم وكرم وذوق.. أيه اللي حصل.. ليه بنستخبي ورا شاشات وننزل نحر رقاب بعض.. الكلمة القاسيه بتذبح، بقينا نكديين مانعرفش نفرق بين جد وهزار كله عايز يتخانق مع كله..أيه ده.. وكل يوم يعاملوك بوش أو حسب المصلحة".

وأضافت فريدة: "في أيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفايه..مالكم في ايه بجد..هما الناس دي مااسعدكمش أعمالهم فترات من الزمن..طيب بلاش انت مابتحبيش فلان غيرك بيحبه..في ايه ياجماعه تحسوا مخطط لهدم الفنانين القوي الناعمه اللي فاتحين بيوت اربعتاشر مليون".

واستكملت حديثها: "متخيلين كل المهن شغالة معانا تحت أيديهم كام عامل واسطي كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة.. بتحاربوا تمن عدد البلد في أكل عيشهم.. اقرءوا كده المسلسل بيكتب ناس قد ايه عماله في العمل شوفوا وقولولي".

وتابعت حديثها قائلة: "كفايو هدد في الفن، الوحش انقدوه بأدب والكويس شجعوه.. إنما تهزءوا فنانين كبار ليه يعني ..علي فكره انا عارفه انها لجان مستهدفه الفن المصري.. والفن عموما ماهو العربي بيصب هنا .هاه قرروا ايه ..هانشتم من ورا الشاشه ولا هانقول كلام نصح حلو ياباشا".