بعد وصفه لها بالجحود.. ابنة الفنان عمرو محمد علي: «كله بفضل أمي بس ومش مسامحة في كل كلمة اتقالت في حقها»

خرجت ابنة الفنان عمرو محمد علي عن صمتها، وردت على تصريحات والدها الأخيرة، وذلك بعدما اتهمها بالجحود، واتهم والدتها أيضًا بالتخلي عنه وتركه عقب مرضه.

وقالت شهد ابنة عمرو محمد علي في مقطع فيديو لها عبر حسابها الشخصى على "فيس بوك": "بقالي كتير ساكتة وقلت لمامتي منتكلمش علشان حياتنا الخاصة محدش يعرف عنها حاجة، ولكن بصراحة زاد أوي الموضوع".

وتابعت: "أنا اسمي شهد عمرو محمد علي معظم الناس متعرفش مين شهد لأنه بالنسبالي اسم في البطاقة، ومش هتكلم إنه قال عني جاحدة لأنه في الأول والآخر بابايا وبتمنى له الشفا، ومحدش يحكم على حد وهو ميعرفش القصة كاملة، محدش عارف هى عملت إيه وإيه حصل بينهم أدى لانفصالهم".

واستطردت: "محدش يعرف هى عملت إيه عشاني 20 سنة بتصرف عليا لبسي واحضنتي لحد تانية جامعة وعملت عشاني كتير أوي ومستحملش أسمع عنها نص كلمة ومحدش عارف الحكاية، كله بفضل أمي بس".

وواصلت: "حرام أكون طول ما أنا ماشية أشوف في الصفحات الست اللي سابت جوزها، ليه الناس بتحكم على حد من طرف واحد"، مضيفة: "وعلشان مطولش عليكم الست دي بطلة عملت كل حاجة في الحياة عشاني عشان ابقى إنسانة متعلمة وكفاية تحكموا على حد وأنتم متعرفوش القصة".

واختتمت ابنة الفنان عمرو محمد علي حديثها في الفيديو قائلة: "رسالة لوالدي بدعي له بالشفا ده أبويا مهما كان، أما أهلي أنا أسفة مش مسامحة في كل كلمة باطل اتقالت في حق مامتي".

ومن جانبه، كان الفنان عمرو محمد علي، قد عبر عن حزنه واستيائه الشديد مؤخرًا، وذلك لتخلي زوجته وابنته عنه، عقب الأزمة الصحية التي مر بها.

وقال علي: "تعرضت إلى ابتلاء من الله وأصيبت بمرض نادر، أنا كنت نايم وصحيت لقيت نفسي مش مظبوط في الوقفة والأكل، ومرضت بـ التصلب المتعدد، وهو مرض صعب وليس له علاج وباخد علاج يكون قادر على تثبيت الحالة، وأقصى ما يمكنني فعله بعد رحمة ربنا هو علاج يثبت الحالة على ما هى عليها الآن".

وعن زوجته وابنته، قال: "أنا طلقت أم بنتي علشان مظلمهاش، ويمكن ده هروب وأنا كنت بحبها أوي ومرضيتش أتعبها معايا كان هيبقى صعب عليا، وليرد هاني شقيقه، قائلًا: "قول الحقيقة يا عمرو، أن زوجتك هى من تخلت عنك بعد مرضك ولم تتحملك في مرضك".

واختتم الفنان عمرو محمد علي حديثه قائلا: "مقدرتش أضغط على زوجتي، وأنا متكفل بمصروف بنتي إلى الآن وللأسف بتيجى تاخد مصروفها فقط وتقعد نصف ساعة وتمشي بس ومش بتزورني، وأنا قولت لبنتي وهى عندها 18 سنة دلوقت، أنتي جاحدة وداين تدان"، وجاء ذلك خلال استضافته برفقة شقيقه مع الإعلامي عمرو الليثي في برنامجه "واحد من الناس".