ليلى أحمد زاهر عن «أعلى نسبة مشاهدة»: اللي غلط لازم يتعاقب

تحدثت الفنانة الشابة ليلى أحمد زاهر، على مسلسل "أعلى نسبة مشاهدة" الذي عرض في النصف الأول من رمضان، وشاركت في بطولته بشخصية "نسمة"، شقيقة "شيماء"، وهي تغير منها لدرجة تصل لإفسادها حياتها بأكثر من طريقة بعدما فشلت في الوصول للشهرة مثل شقيقتها.

وعبرت ليلى أحمد زاهر، عن رأيها في تطبيق TikTok: "في حاجات على تيك توك محتاجة رقابة في حاجات بتتعمل مش صح، مش رسالتنا ان لو حد عمل زي شيماء المفروض يخرج من السجن، اللي غلط معروف إن هو يتعاقب، بدليل إن النهاية شيماء اتحبست، مخليناش القاضي يتعاطف معاها وقلنالها يلا أخرجي".

وأضافت ليلى: "في حاجات مش كويسة وناس غصب عنها زي نسمة وشيماء معندهمش حد يهتم بيهم ويقولهم كلام حلو، الأم دايما بتضايق شيماء وبتعلق على الحاجات السلبية، لو أهلنا ادونا اهتمام، مش هندور عليه برا، الناس اللي عالتيك توك مش لاقية حد مهتم بيها أو يعبرها ولا أي حاجة فبتخش تكلم ناس متعرفهاش وبتعمل حاجات غريبة وأنا ضد دة فلازم يبقى في رقابة على الحاجات دي".

أبطال مسلسل "أعلى نسبة مشاهدة"

مسلسل "أعلى نسبة مشاهدة" متاح على منصة شاهد وهو من إخراج ياسمين أحمد كامل ومن تأليف سمر طاهر وشارك في بطولته فرح يوسف، انتضار، إنعام سالوسة، محمد محمود، إسلام إبراهيم، يوسف عمر، محمد فهيم، إلهام صفي الدين، هند عبد الحليم ومحمد علاء.

اقرأ أيضا: تامر سمير: أمي نسيت اسمي وكانت بتخاف من أخويا الكبير