خاص| العروس صاحبة شروط عقد القران تكشف عن ميعاد زفافها

تصدرت أمنية طارق عروسة كفر الدوار، تريند مواقع التواصل الاجتماعي، بسبب شرطها على العريس قبل كتب الكتاب.

ومن جانبها اجرت "العاصمة" لقاء خاص مع عروس كفر الدوار صاحبة التريند الشهير.

وقالت أمنية: "والله ما أنا عارفة اللي حصل بقيت تريند كده فجأة أزاي مش فاهمة، معملتش حاجة والله كنت حابة اشكره قدام الناس كلها وحابة ابينله اد ايه انا بحبه وحابه ابينله اد ايه هو راجل عظيم واحسن حد مر على حياتي كلها وحبيت اشكر اهلي بس".

وعن سؤالها عن ميعاد الفرح قالت أمنية: "الفرح إن شاء الله 4 نوفمبر".

وقالت العروس في الفيديو المتداول على مواقع السوشيال ميديا: "أنا واثقة في ربنا وفيك أنك هتكون خير الزوج والسند والصاحب.. مندمتش في يوم إني اخترتك.. وكنت أعظم وأفضل انتصاراتي في الحياة".

وأضافت: "زي ماهشيل أهلك في عيني هتشيل أهلي في عينك.. الصغير في عيلتي قبل الكبير.. ومع احترامي لكل أهلي "أمي ثم أمي ثم أمي".