بسمة: «مكنتش بحب الرضاعة ومش حابة أمارس دور البقرة في حياة حد»

كشفت الفنانة بسمة أنها عانت مع ابنتها نادية بعد ولادتها، موضحة أنها لا تحب الرضاعة الطبيعية، حيث جاء ذلك خلال لقائها في برنامج "الستات" الذي تقدمه مفيدة شيحة وسهير جودة عبر قناة النهار.

وأوضحت بسمة بقولها: "مش حابة أمارس دور البقرة في حياة حد، علشان كدة أنا رافضة فكرة الرضاعة على الإطلاق".

وتابعت: "رضعت بنتي نادية طبيعي لمدة عامين ليس كل ساعتين أو 4 أو 6 ساعات لكن وقت لما كانت عايزة".

واستطردت: "أنا أصلا كنت برفض أن طفل ينام جنبي لأني بتقلب ونومي تقيل، ومش عاوزة طفل ينام جنبي، مضيفة: "ولكن لما رجعت من المستشفى يوم الولادة كان سريرها جاهزًا علشان تنام لوحدها، وكنت فاكرة إن الحياة هتمشي كده لكني اكتشفت أنه مش حقيقي ومش موجود".

واختتمت بسمة قائلة: "الأمومة غيرت حياتي بشكل كبير، وبنتي بتتحكم فيا، وهي لفاني على صابعها الصغير، مشيرة إلي: "اتعرضت لاكتئاب بعد الولادة، وفي أول يومين بعد الولادة كانوا بيجروا ورايا يقولولي رضعي البنت علشان جعانة وأنا كنت رافضة ولكن بقيت أتعامل بعد كدة".