سميرة أحمد لـ«العاصمة».. رجعت أثق في الفن تاني لما شوفت مسلسل«الاختيار 3».. فيديو

شاركت الفنانة القديرة سميرة أحمد، فاعليات مهرجان الكاثوليكي للسينما في دورته 70.

وقالت سميرة أحمد، في تصريحات خاصة لـ«العاصمة»، «سعيدة بمشاركتي في مهرجان الكاثوليك وبشكر الأب بطرس دانيال وبشكر المركز الكاثوليك لأنهم بيقدروا الفن ودي حاجة مهمة جداً».

وردت سميرة على سؤال ما رأيك في الفن الفترة الحالية؟، قائلة:«سعدت جداً بالفن اللى شوفته الفترة الأخيرة زي مسلسل (الاختيار3) ودا اللى خلاني أرجع أثق تاني في الفن، الفن رسالة وأتمنى توصل للناس».

وعن الكواليس الأخيرة في حياة الراحل سمير صبري، ردت قائلة: «مقدرتش أجي افتتاح مهرجان الكاثوليك، عشان سمير صبري كان مديني معاد ومقدرتش أطلع على المسرح من غيره، وفوجئت يوم وفاته باللى حصل، وهو بالنسبالي فنان وأخ وصديق، الله يرحمة كان عزيز عليا جداً والنهارده أنا بقدم التكريم ده لروحه».

واختتمت سميرة أحمد، أنها لديها أبناء كثيرة قدمتهم للفن، منهم كريم عبد العزيز، وياسمين عبد العزيز، وأحمد فهمي المطرب الذي شارك معي في مسلسل «ماما في القسم»، وياسر جلال كان معايا في نفس المسلسل، وكنت سعيدة بوجوده في «الاختيار 3».