سوسن بدر: «الزواج الثاني حق للرجل ولكن بشروط»

كشفت الفنانة سوسن بدر عن رأيها في الزواج الثاني للرجل وهل من حق الزوجة أن تكون على علم بذلك أم لا، حيث جاء ذلك خلال استضافتها في أولي حلقات برنامج "الستات" الذي تقدمه الإعلاميتان سهير جودة ومفيدة شيحة على "قناة النهار".

وأوضحت "بدر" قائلة: "ده حق للرجل، ولكن بضوابط وشروط معينة والمسألة مش مفتوحة".

وتابعت: "ساعات حق الاختيار ممكن يكون مشكلة، وطبعا مفيش ست هتكون مبسوطة 100% لو زوجها تزوج مرة ثانية، مشيرة إلي: "مع إننا شوفنا مؤخرًا نماذج ستات معندهاش مشكلة وشوفنا ست اختارت لجوزها زوجة، وده ممكن يكون اختبار لولائها له أو قوة إيمانها ومسميات أخرى".

واختتمت "بدر" بقولها: "أنا مش عارفة هل الشرع يشترط إعلام الزوجة الأولى، لكن لو ده حصل بالقانون الزوجة تقع في ورطة، موضحة: "لأنها ممكن تكون مش قادرة تطلب الطلاق، وفي الحالة دي هتقبل وهي متضايقة والقانون يعطيها حق القرار في طلب الطلاق، وفي نفس الوقت ممكن هي مش عايزة تتطلق."