بالفيديو.. أغنية بهاء سلطان الجديدة «رامي الحمول»

طرحت شركة «فري ميوزيك» أغنية «رامي الحمول» للمطرب بهاء سلطان من ألبوم «سيجارة».

الأغنية من كلمات محمد الخضراوي، ألحان محمد راجح وتوزيع ياسر ماجد.

تقول كلمات الأغنية:

مستني إيه بعد اللي شوفته قصاد عينيا

طب كنت سيبني في حالي ليه قربت ليا

بعد ما قولت هعيش حياتي معاك خلاص

أنا مش هسيب الناس تقول حمال آسية

مش هفضل أتفرج عليك والجرح فيا

أنا اللي شوفته معاك كتير ومش شوية

مش فارقة عندي أي حاجة حلمت بيها

خيرها في غيرها وربنا يعوض عليا

رامي الحمول على ناس تانية

شوفت عينيا كام ليلة بكيت

وانت ولا داري بحالي

ولاقيتك غير ما اتمنيت

ماجاش في بالي الغدر يبقى من إيديك

ومكانش لازم أفضل أتعود عليك

عمرك ما خوفت عليا زي ما خوفت أنا

آسف عشان ربطت نفسي في مرة بيك

عجيبة دي الدنيا اللي فيها ناس تخون

مالكش غالي وكل شئ عندك يهون

معقولة ماعرفتش حقيقتك من عينيك

انت اللي زيك عمره ما بيعرف يصون

جدير بالذكر أن أغنية «رامي الحمول» تاسع أغاني ألبوم «سيجارة»، الذي يتضمن، أغاني «يومين حلوين» من كلمات نصر محروس، ألحان حسين محمود، وتوزيع أمير محروس، «مالك» كلمات نصر محروس، وألحان حسين محمود، وتوزيع أكرم عادل، «أنا غلطان» كلمات وألحان عزيز الشافعي، توزيع طارق حسيب، و«تعالي أدلعك» التي تم تصويرها على طريقة الفيديو كليب، وأغنيتي «ده حب ولا» و«عاملين الصح».