«أبوها مكانه السجن».. هاشتاج يجتاح السوشيال ميديا بعد محاولة أب إلقاء ابنته من البلكونة
كتب: منى صموئيل
آثار مقطع فيديو لا يتجاوز ثوان معدودة على مواقع التواصل الاجتماعي، غضب رواد السوشيال ميديا، وتضمن الفيديو قيام أحد الأباء بمحاولة إسقاط ابنته من شرفة المنزل في مشهد غير آدمي، مما أدى صراخ الفتاة لمحاولة الجيران إنقاذها.
انهالت على الأب العديد من الانتقادات بعد انتشار مقطع الفيديو على السوشيال ميديا بسب هذا المشهد المؤسف، وعلى الفور قاموا بتدشين هاشتاج «أبوها مكانه السجن» وتصدر قائمة الأكثر تداولًا.
وتفاعل الكثير من رواد السوشيال ميديا مع الهاشتاج حيث قال مواطن: "كل ما حد يعمل جريمة أسرية يطلعوا بهري من نوع اكشفوا عليهم نفسيا قبل الجواز أيه علاقة المرض النفسي بالعنف والجريمة هو أنت محامي المجرم وعايز تطلعه بالحجة دي ولا أيه وبالنسبة للمرض النفسي ناس بيجي لها بعد الجواز عادي ومرضى كتير عمرهم ما يعملوا جرائم يعني مش مبرر، الجريمة جريمة حوار خلصان مفترض يكون عندك قانون تطبقه وعلى الخط الموازي يكون عندك تعليم صح بتدرس فيه بديهيات إنسانية وحملات توعية للناس اللي عدوا سن التعليم النظامي دي الحلول لما تكون عايز تقلل من ظواهر اجتماعية غلط، مش اكشفوا عليهم قبل جواز وهري الكلاشيهات".
وقال آخر: "امتى هيكون فيه طريقة تحمي الأطفال والستات من الأذى كل شوية هنعمل هاشتاج عشان حد بيتعذب!! فين القانون فين التوعية فين الدعم".
بينما تفاعل آخر وقال: "مقطع حزين يخض- الله يكون بعون البنت واحساسها- طفله محجبة وتتعلق من بلكونه- المقطع دا فيه شويه حاجات لا توصف- أتمنى البنت تطلع سويه ودا صعب أوي أتمنى يتسجن لأنه أكيد مبهدل الأم والبنت".
وأضاف شخص آخر: "إذا كان بيعمل كدا في الطفلة يا ترى بيعمل أيه في أمها؟، إنسان فاقد للدين والعقل والرجولة، يتمنى من كل قلبي حد يعمله نفس اللي عمله في الطفلة نشوف شعوره أيه وقتها".
