يدوس على السجادة يدوس على وشها هي حرة.. مي حلمي تهاجم ياسمين الخطيب بسبب ياسمين عز

شنت المذيعة مي حلمي هجومًا على الكاتبة والمذيعة ياسمين الخطيب، بسبب انتقاد الأخيرة لحديث المذيعة ياسمين عز مقدمة برنامج "كلام الناس" على قناة MBC مصر، عن طريقة التعامل بين الرجل والمرأة، وأهمية سماح الزوجة لزوجها بالسير على سجاد المنزل بحذائه ومنحه قطعة أكبر من الدجاج.

ونشرت مي حلمي جزء من كلام ياسمين الخطيب، وأرفقت تعليقًا عليه عبر حسابها الشخصى على فيس بوك: "معنديش أدنى شك غير اللي تقول كده على زميلتها واحدة منفسنة عليها مش أكتر".

وتابعت: "ما البرامج كتير والهبد كتير، اقلبي يا حبيبتي واتفرجي على رضوى الشربيني مدام ياسمين مش عجباكي، ولا ياسمين عز وجعاكم؟".

وتابعت: "ماتتفرجوا على بقيت البرامج، إزاي تحاربي ست زيك ولا عشان أنتي قاعدى وهي بتشتغل؟ فالهرية والنكتة شغالة عليها".

وفي سياق متصل، دافعت عن ياسمين عز قائلة: "هى حرة في رأيها، يدوس على السجادة يدوس على وشها هى حرة، وكل واحدة حرة تعامل جوزها ازاي، ولو بتنصحهم يبقوا كويسين مع أجوازتهم دي حاجة حلوة مش وحشة".

وأردفت: "أنا عن نفسي بحب ياسمين، وليه نكسر في واحدة نجحت انضفوا بقي وخليكي منك ليها في نفسك، أعرفوا أنجحوا الأول وأبقوا اتكلموا على غيركم".

إقرأ أيضًا: ردا على ظهور خطيبة طليقها رشاد.. مي حلمي: أنا اتقارن بإليسا ونانسي وهيفا

لتعيد توجيه حديثها لياسمين الخطيب قائلة: "وإيه الطريقة دي بتاعة يع وبلدي، إيه ياختي عيشي عيشة أهلك وأحترمي زميلتك، ما أجرمتش، ولا لازم تطلع تقول أدي جوزك بالشبشب عشان تتبسطي، اه آسفه أصلها مسمعة فمزعلة الفشلة".

وواصلت دفاعها عن ياسمين عز: "هتقولولي ناجحة في إيه؟ اه ناجحة وبتتفرجوا عليها، ومدام بتتفرجوا عليها وبتجيبوا سيرتها تبقي ناجحة، وأما تتكلم عليها واحدة بتحكها في المذيعات ومش عارفة، تبقي ياسمين نجحت".

واختتمت مي حلمي حديثها قائلة: "وريحي يا بتاعة ال يع وريحي يا منفسنة منك ليها، يمكن لو خلتيه يمشي على السجادة ماكنش طفش".

وكانت ياسمين الخطيب، قد انتقدت ياسمين عز قبل أيام وكتبت عبر "فيس بوك"، منشورًا قالت فيه: " شيء مؤسف جداً، ومثير للغثيان، أن تتحدث إعلامية على قناة مرموقة، عن حسن معاملة الزوج، فتقصرها على: سيبيه يدوس على السجادة، وشيلي أنتي كيس الزبالة، وأديله ورك الفرخة! حاجة بلدي ومقرفة جداً".

وأكدت: "يعني يا ست لو عايزة تنحازي للرجالة عشان الترند -اللي مش هايدوم- اتكلمي عن مشاكل الرجال الحقيقية، عن مصاريف الزواج المبالغ فيها، والطلبات اللي بتقسم ظهر الشباب، من مهر وشبكة وخلافه، عن مشكلة الرؤية للرجال المطلقين، اللي مش بيشوفوا عيالهم أكتر من ساعة أسبوعياً في أقسام الشرطة، اتكلمي عن المشاركة، عن المودة والرحمة".

وتابعت ياسمين الخطيب: "ولو مصرة يعني تعملي خبيرة في العلاقات الاجتماعية، وتنصحي الزوجات، انصحيهم يتفهموا الظروف، يخفضوا النفقات،مش يكمروا لرجالتهم نص الفرخة.. إيه الـ يع ده".