الرئيس السيسي: «المصارف المالية من حقي أن اتبرع لصندوق الأسرة المصرية بيهم»

أشار الرئيس عبد الفتاح السيسي، أن صندوق الأسرة المصرية يخص الجميع وليس لفئة من المجتمع، قائلاً :"لما درسنا الموضوع.. مش كان لجزء من المجتمع وبقية المجتمع لا.. الموضوع للكل.. الصندوق للكل.. ودي أليات عمل حكومة ودولة مش آليات عمل مؤسسات خيرية أو جمعيات خيرية.. بقالنا 9 سنوات.. كان موضوع الغرامات قضية وبتشغل.. بنشوف عدد اللى موجودين.. ويحصل تدخل ويتم الإفراج عنهم علشان يرجعوا بيوتهم.. دي عبارة عن أم راحت تجيب فلوس ولم تنجح.. أو تجهز بنتها ومش قدرت تسدد.. واتعملت منظومة مؤذية".

احتفالية تكريم المرأة المصرية 

وأضاف الرئيس السيسي خلال كلمته في احتفالية تكريم المرأة المصرية والأم المثالية 2023: "بقولكم أن الدولة الحديثة هي دولة تنظر لكل المشاكل وتعمل لها آليات حل وتبقي منظومة عمل مش وجهات نظر.. مش دور خيري أو جمعية.. دي فكرة تعملها الدولة لحل المسألة.. ارجو ما تاخدوش كلامي في الموضوعات دي على أنها حاجة زيادة عن اللزوم.. ومش بتكلم علي الصندوق.. اتمني أنه ما فيش أي بيت يتهد أو تنفصل أسرة.. كنت عاوز الانطباع عن حجم الطلاق في مصر مش زي الحقيقة".

قال الرئيس عبد الفتاح السيسي، إن هناك فهم محدود لمعاني الدين الجميلة، متابعا: "وده مش عيب الدين قد ما هو عيب فهمنا.. الدولة معنية بوضع أليات عمل لتحقيق كل الكلام الرائع للمجتمع.. وتتصدي لمشاكل المجتمع وحلها.. وما حدش يقول النقطة دي ما تمش بحثها أو طرحها في المجتمعات القديمة خلال التفكر في الدين.. عمر الدين ما كان مشكلة لناسه.. المشكلة في الفهم والتطبيق".

أقرأ أيضاً ...عاجل| الرئيس السيسي يُصدر عفوًا رئاسيًا عن كافة الغارمات

وأضاف الرئيس السيسي، خلال كلمته في احتفالية تكريم المرأة المصرية والأم المثالية 2023: "هو بالسهل يعني على أي أسرة أن البيت يهدم.. دي مصيبة لوحدها.. تبقي هي لوحدها محتارة تجيب منين وتصرف ازاي وتودي المدارس.. هو المجتمع غالبيته أسر ميسرة ولا الظروف صعبة.. الفكرة كده.. الرقم فيه 40 – 50 مليار جنيه.. لما اتكلمنا مع وزارة التضامن الاجتماعي وقالوا فيه ديون 350 مليون جنيه لبنك ناصر.. ده معناه إيه.. ده دين بغض النظر على مين.. مش الرقم.. ولو الناس حطت مليارين هنحط مليارين.. ولو حطوا 5 مليارات هنحط 5 مليارات.. ده صندوق اجتماعي.. ضمان اجتماعي للأسر والبيوت.. القضية باختصار.

وتابع الرئيس السيسي: "أنا بتكلم من مصارف الدين.. المصارف المالية من حقي أن اتبرع للصندوق ده.. من غير ما يكون حد يجوز.. ده كفيل لمنع حوجة الناس والأسر.. الناس فاهمة الموضوع كله في صدقة لبناء مسجد أو دار أيتام.. وموضوع زي كده.. تحمي مجتمع وتحافظ على صلابته وقوته.. كتير مننا في الفهم للدين والأيان.. الفهم ضيق أوي رغم الحكاية كلها إسعاد الناس".