أحمد عزمي: «الناس ما وقفتش جنبي.. وفكرت في إنهاء حياتي عشان ابني»

حل الفنان أحمد عزمي، ضيفا ببرنامج «كلام الناس»، المذاع عبر فضائية «أم بي سي مصر»، مع الإعلامية ياسمين عز. 

وتحدث الفنان أحمد عزمي عن فترة دخوله السجن لمدة 6 أشهر بسبب مواد مخدرة، مؤكدا أنه شعر بالخجل بعد خروجه من السجن، بسبب نظرة المجتمع له .

وفي نفس السياق تحدث عزمي، عن انضمامه لمسرحية «الملك لير» قائلا: «مجدي الهواري سأل عليا واتقاله لا خلاص بقى زي الفل واشتغل السنة اللي فاتت والعرض نجح جدا وانا نفسي دة يوصل للمنتجين لأنهم كان في حذر تجاهي بس أنا ابنكم وغلطت وطول عمري متربي في الوسط الفني ونفسي ارجعله تاني».

وعن الحادث قال «أنا اللي ظلمت نفسي ناس متعرفهمش تركبهم معاك ليه ويمكن ربنا جبهالي في حاجة بسيطة والحمد الله كان ممكن وانا شارب اعمل حادثة أموت حد فكان ممكن يبقى حاجة اصعب من 6 شهور».

وعن محاولة الانتحار قال «في فترة جت حسيت أن وجودي كان وصمة عار لابنني بعد ما كنت مصدر فخر بالنسباله وفكرت في وقت اني اسيبله حاجات موجودة دلوقتي ومامته تقدر تكمل تعليمه لأن في فترة مكنتش قادر ادفع مصاريف مدرسته».

 وتابع «الناس موقفتش جمبي.. أمي صدمتها الأولى كانت في أخويا وبعدين أنا».

يذكر أن أحمد عزمي شارك في عدد من الأعمال الفنية كان أبرزهم مسلسل «30 يوم» مع آسر ياسين وباسل الخياط، كذلك فيلم الوعد مع آسر ياسين ايضًا والفنان الراحل محمود ياسين وروبي.