رضا البحراوي: بستأذن محمد إمام قبل أى عمل.. ووقف جنبي في فترة صعبة

كشف المطرب الشعبي رضا البحراوي، عن الصداقة القوية التي تجمعه بالنجم محمد عادل إمام، مؤكدا أنه من الأشخاص الداعمين له، وسانده في فترة صعبة في حياته.

وقال رضا البحراوي، خلال لقائه مع المذيعة ياسمين عز، في برنامجها كلام الناس، المذاع في قناة MBC مصر: بستأذن محمد إمام، قبل أي عمل جديد بقدمه وباخد رأيه فيه وبرجعله دايما، وهو إنسان محترم وفنان كبير وابن ناس، ووقف جنبي في فترة صعبة كنت بمر بيها وكان هو الإيد اللي اتمدت ليا وقتها.

رضا البحراوي يرد على تقديمه شعارات بأغانيه

وعن تقديمه بعض الشعارات في أغانيه، قال رضا البحراوي، خلال لقاء تليفزيوني له: السنادي عامل أغاني جميلة وبحبها، كلماتي بتليق مع ناس كتير، الجمهور حابب شعاراتي والغنا، مردفًا: أنا مش من النوع اللي بيسهر وأقعد على كافيه، أنا شخص من بيتي لشغلي ومن شغلي لبيتي، أغانيا خدت حب ونجاح من الجمهور الحمد لله، وأنا مليش منافسين، لكن ربنا يوفق الجميع.

 اقرأ أيضا: بدء عرض الموسم الثاني لمسلسل «البيت بيتي 2» على «شاهد»